Tillykke Arnasys!

Arna Lísbet uppáhalds sys í Helsinki á afmæli í dag!

Hún Arna hún á afmæli, hún er 25 ára í dag..Til hamingju, til hamingju, til haamingjuuuu! Til hamingju, til hamingju, til haamiiingjuuuu! (Ég heyri bara Stínu syngja þetta lag í huganum)

En já fyrirgefið, fjöldinn sem les þessa síðu (!) fyrir vikulangt bloggleysi. Þetta er náttúrulega skandall með stóru S-i! En það hefur svosum ekki mikið verið að gerast. Ég er búin að halda mér nokkuð vel frá því að gera mig að miklu fífli undanfarið sem ég held að verði að teljast framför. Ég hef hins vegar verið sveitt í því að vinna að verkefnum tengdum verknámi, bæði fyrir skólann heima og hér. Jebb..það er lengi hægt að bæta á mann einu. Um daginn var ég með fyrirlestur í skólanum og nú á ég að gera "Practice Account" -ritgerð um einhverja life-uttering reynslu sem ég hef orðið fyrir á þessum vikum mínum á Friðriksbergi. Mér datt ekkert í hug og ætla að gera vöntun á handspritti og handþvotti að umræðuefni. Eitthvað sem ég er viss um að kennarinn minn mun elska..eða ekki!

Það sem heldur mér á floti er að ég er að fara til Elínar á fimmtudagskvöldið (þegar ég er búin að halda fyrirlesturinn um mikilvægi handþvotts í skólanum) og svo ætla ég að eyða páskafríinu hjá Örnuminni ..svo það er eins gott að megnið af þessum verkefnum verði lokið.

Annars hef ég gert nokkuð af því að skreppa út að hlaupa og það er svona líka svakalega gaman (allt svo marflatt að maður gæti hlaupið endalaust). Á ferðum mínum hef ég hitt marga skemmtilega karaktera og er skemmst að minnast drengsins sem tók á rás þegar ég ætlaði fram úr honum og spretti ca 25m spöl og rölti þá lafmóður þar til ég náði honum aftur en þá endurtók hann leikinn. Þetta gerði hann 5 sinnum mér til ómældrar ánægju og furðu en þá gat hann ekki meir. Kvöld eitt fór ég svo hjólandi út í búð og sá þá hlaupara með blikkljós í sitthvorri erminni (rautt og hvítt) og eitt í hálsmálinu svo hann minnti á jólatré í diskófíling. Eina sem ég hugsaði var: Ég VERÐ að fá svona ljós! Svo var ég sjálf að hlaupa einu sinni þegar ég mætti síðhærðum dreng á hjóli. Hann var með dredda alveg eins og Arno (kærasti Michelle) svo ég vinkaði honum og heilsaði með virktum án þess þó að stoppa, enda var ég að hlaupa. Það er skemmst frá því að segja að þetta var ekki Arno sem ég mætti, hann vissi ekki um hvað ég var að tala þegar ég kom heim og hann var nývaknaður..ojæja.

Ég hef meira að segja gerst svo fræg síðustu 2 helgar að fara klukkan 7 og 8 (um morguninn) og hlaupið "langt". Í fyrra skiptið, þegar ég fór 8 mætti ég FULLT af hlaupurum sem áttu það allir sameiginlegt að vera nokkuð alvarlegir á svip í þröngum hlaupagammósíum (tights). En síðasta laugardag fór ég kl 7 og gat varla þverfótað fyrir hundaólum því þá voru allir að viðra hundana sína! Eftir því sem leið á hlaupið fór hundum þó að fækka og þröngu hlaupagammósíurnar tóku undir sig svæðið. Ég er ekki alveg að fitta inn í þessa hlaupatísku í víðu götóttu buxunum mínum sem ég fæ ekki af mér að henda (ég festi skálmina í hjólinu mínu þegar ég þeyttist út í Hafnarfjörð að kenna þegar Prinsinn var í ólagi..bara lán að ég skyldi ekki slasa mig. Í DK setja menn sokkana vel yfir skálmarnar til að hindra að slík slys geti átt sér stað..og eins og það er ekki flott, er það mjög praktískt!)

Ég er að hugsa um að hlaupa langt á páskadag þegar ég kem frá Örnu og til að létta brúnina á Dönunum er ég að hugsa um að gefa öllum high-five sem ég mæti. Ég er viss um að það á eftir að slá í gegn. Kannski ég pústi 'God påsk!' um leið.. Ég viðraði þessa hugmynd við sænsku stelpurnar og þeim leist vel á. Rebecka vill koma með og taka myndir.

Aldrei að vita nema þið fáið að sjá páskahlaupið á síðunni ..og vonandi brosandi Dana í þröngum hlaupagammóum að gefa mér fæf

Athugasemdir

[Þóra uppáh. sys í REK (IP-tala skráð) 11.3.2008 kl. 10:27]

Hún á afmæli í dag og já bara 25! Ha.....Nú verð ég að reikna..eitthvað stemmir ekki hér!!! Nei samkvæmt mínum útreikningum verður geðveikt stórafmæli á næsta ári svo í ár er hún 29! Vá....Mundu bara þegar þú ert farinn að skoða sömu náttkjólana og ellilífeirisþegarnir þá er aldurinn farinn að færast yfir eins og ég upplifði þarna árið góða í mæðgnaferðinni í Köben. Svaka tilbud þarna í Magasin du Nord og ég með öllum heldri dömunum að skoða voða flotta Nanso skósíð náttklæði. Er bara ekki enn búin að jafna mig og HANANÚ.....

Til hamingju Arnie sys og ammgj er á leiðinni!

Voða er nú hressandi að heyra í þér aftur Lilja sys hlaupagikkur..

[arnalis (IP-tala skráð) 12.3.2008 kl. 14:24]

takk takk takk

já velkomin í gedv stórafmaeli á naesta ári :)

ég hlakka svo til á morgun tegar ég fer ad sofa tarf bara ad halda vitinu í einndag í vidbót

knús 

[Liljan (IP-tala skráð) 12.3.2008 kl. 20:29]

Jú rétt er það, ekki nema 29 ára

Rakst í vitlausan takka  Aldrei að vita nema maður fari í þrítugsafmæli til Helsinki á næsta ári. Ég fékk mér allavega huge muffins í tilefni dagsins ..já svona stór! En vel þess virði

..og Þóra, Nanso náttkjóllinn er geðveikur Annars hefði ég ekki beðið um Nanso náttkjól í jólagjöf Það er bara þannig með frúrnar í DK að þær eltast við tískuna hjá okkur unga fólkinu...!

Þessir karlar eru aldrei jafn skemmtilegir og þegar maður er kominn með svefngalsa. Ætla að fara að leggja mig. Planið er að vakna fyrir 6, henda í vél, fara út að hlaupa, taka úr vél og henda í þurrkara, borða, skóli, heim, sækja þvott og pakka, borða, skóli, lest á Hovedbane=>Elín í Gautaborg. FRÍ!

[Þóra sys (IP-tala skráð) 13.3.2008 kl. 10:57]

óh mæ gd.....trúi því ekki að ég hafi skrifað ellilífeyrisþegi með einföldu i-i...!!!! (Það er s.s. komið af aur )

Jebb Lilja góða skemmtun í fríinu í Sverge og svo í Finnlandi. Hugsa til ykkar allra.

Kv. úr fríinu í Ólafsgeisla

Þ.e uppáhalds sys í REK

[Arna Lísbet (IP-tala skráð) 13.3.2008 kl. 21:16]

dagurinn sem ég er búin ad bída eftir í margar vikur rann upp.. allt gekk vel.. veit ad ég nádi bádum prófunum.. var svo  med frábaeran opponent sem var mjög ánaegdur med ritgerdina gaf gód komment og nú tarf ég bara adeins ad laga og láta lilju raedusnilling profread svo er tetta slut

I am in heaven lov you guys

nú get ég farid ad njóta tessa ad vera bride to be

hef aldrei verid svona fegin og glöd ad fara ad svofa eins og núna eftir annan eins vidburdaríkan dag..góda nótt  

[Helgan (IP-tala skráð) 14.3.2008 kl. 00:02]

Sæl esskan.. Gaman að heyra frá þér.. búin að ofnota refresh takkann síðustu daga í von um að ný færsla væri dottin inn.. Og viti menn - þolinmæði þrautir vinnur allar - og loksins varð mér að ósk minni..

Allt gott að frétta héðan - er í verknámi á BUGLinu, mjög áhugavert en segi þér allt um það síðar! Vona að það sé ekki verið að ganga frá þér þarna í kóngsins köben! Annars er ég ekki frá því að það sé farið að vora hér á Ísalandinu sem hreytir þó í okkur kulda og élum af og til! En blár himinn og fimm stiga hiti í dag - við getum ekki annað en verið sátt með það! Jæja, þar sem ég tel mig vera ráðast ansi mikið inn á verksvæði Sigga storms ætla ég að hætta með veðurfréttir að sinni og fara að henda mér í bólið svo maður geti nú verið hress í verknáminu á morgun og sýnt á sér bestu nemahliðar sem um getur!

Hafðu það gott mín kæra, hlakka til að sjá þig og hver veit hvað verður á boðstólnum þegar þú kemur til baka! Huuuummmmmmmmmm....

Saknaðarkveðjur,

Helga

[Liljan (IP-tala skráð) 14.3.2008 kl. 20:07]

Sælar systur allar!

Gott að heyra í ykkur. Lífið í Gautaborg er ÆÐI! Við Elín reikuðum milli búða í dag og skoðuðum ógrynni af óléttufötum og venjuleg föt sem gætu notast á meðgöngu fyrir hana Gurrý. Hef aldrei pælt svona mikið í þessu áður en þetta var hin ágætasta skemmtun Elín kórónaði það svo á Skype áðan þegar hún var að tala við múttu sína og sagði að ég hefði nú verið mest í því að versla óléttuföt. Frekar fyndið.

Meira síðar. Erum að fara í bæinn

[Þóra Björt (IP-tala skráð) 19.3.2008 kl. 14:45]

Hæ sæta:)

Farðu að koma heim:) ekkert gaman að hafa þig í útlandinu svona lengi. Hafðu það gott um páskana hjá familíunni. Ég hlakka svvvvvvooooo til að sjá þig. Sorry hvað ég er lélegur email-vinur:) Ætlaði að skrifa þér alveg trilljón pósta en hef já ekki skrifað einn einasta.

En ég veit að þú fyrirgefur mér það.

kveðja

Þóra stóra